Kuvendi i Kosovës do të zhvillojë nesër seancën konstituive duke filluar nga ora 10:00.

Drejtoria për media dhe marrëdhënie me publikun njofton se në rendin e ditës janë përfshirë:

– Formimi i Komisionit të përkohshëm për verifikimin e kuorumit dhe të mandateve të deputetëve,

– Betimi i deputetëve,

– Zgjedhja e Kryetarit të Kuvendit,

– Zgjedhja e nënkryetarëve të Kuvendit.

Seanca konsiderohet e përmbyllur vetëm pasi të jenë zgjedhur drejtuesit e Kuvendit dhe të jetë bërë betimi i deputetëve.

Vetëvendosje, si partia fituese me 48 ulëse, ka të drejtën të propozojë kryeparlamentarin. Për zgjedhjen e tij kërkohen së paku 61 vota.

61 vota nevojiten edhe për krijimin e Qeverisë së re, që pritet të pasohet pas konstituimit të Kuvendit.

PDK-ja si e dyta ka siguruar 24 ulëse, ndërsa LDK-ja 20.

Ndërkaq, koalicioni midis Aleancës për Ardhmërinë e Kosovës (AAK) dhe Nismës Socialdemokrate ka siguruar 8 mandate./Arbresh.info